Ayuntamiento de Aia

Aia Gipuzkoako kostaldean dago, eta Orio eta Zarautzen artean. Donostiatik 30 km-ra dago, mendebalderantz, eta erdigunea kostaldetik 10 km-ra du. Orografia malkartsua du. Zenbat eta hegoalderago, orduan eta altuera handiago du. Izan ere, goragune nahiko handiak ditu; adibidez, Pagoeta, Indamendi, Andatza, Eztenaga... Kostaldeko 0 metroko kotatik Pagoeta mendiaren inguruko 714 metrora iristen da. Aiak zenbait erreka ditu: Altzolaras (Urolaren ibaiadarra Aizarnazabalen) eta Agorria zein San Pedro-Santio (Orian itsasoratzen dira biak). Udalaren azalera osoa 56 km2-koa da, eta honako udal hauekin egiten du muga: Getaria, Zarautz, Orio, Usurbil, Zizurkil, Asteasu, Errezil, Zestoa eta Aizarnazabalekin.

Mapa

• Errepidez:
  
• Aiara iristeko errepide nagusia GI-2631 “Billabona-Orioko gaina” eskualde errepidea da. Errepide horrek udal osoa zeharkatzen du iparretik hegora. 
  
•  Erdigunera iristeko beste aukera bat GI-3710 errepidea da. Orio eta Aia lotzen ditu, eta asko erabiltzen da.
  
• Beste bi eskualde errepide ere badaude, Zarautzetik abiatuta: Elkano auzora doana (GI-3162) eta Urdanetara doana (GI-3163).